SHPALLJE PER VENDE TE LIRA PUNE
PUNONJËS ME KONTRATË
Në mbështetje të Ligjit Nr. 7961 datë 12.07.1995 “Kodi i Punës i Republikës së Shqipërisë” (i ndryshuar), Vendimit Nr. 54 datë 30.05.2024, “Për krijimin e Shoqërisë “TEDA Tiranë” sh.p.k., si person juridik në pronësi të Bashkisë Tiranë dhe miratimin e Akteve të Themelimit”, “TEDA Tiranë” sh.p.k. shpall procedurat e konkurrimit për vendet e lira:
Ekspert i Financës
Kandidatët duhet të plotësojnë kërkesat e posaçme si vijon:
1. Të jenë shtetas shqiptar;
2. Të kenë kryer studimet në nivelin e diplomës Master Shkencor në Financë Kontabilitet;
3. Të jenë në gjendje të mirë shëndetësore, të aftë fizikisht e mendërisht për të vepruar;
4. Të mos jenë të dënuar nga organet gjyqësore dhe të drejtësisë me vendim të formës së prerë;
5. Të kenë njohuri në fushën e ekonomisë, financës dhe menaxhimit financiar;
6. Të kenë njohuri dhe aftësi në përgatitjen, regjistrimin, analizën dhe administrimin e dokumentacionit kontabël dhe financiar;
7. Të kenë njohuri të paktën të një gjuhe të huaj kryesore ndërkombëtare.
Dokumentacioni, Mënyra dhe Afati i Dorëzimit:
Kandidatët duhet të dorëzojnë dokumentat si më poshtë:
1. Kërkesë për aplikim;
2. Curriculum Vitae;
3. Fotokopje e Kartës së Identitetit;
4. Çertifikatë e përbërjes familjare;
5. Diplomë e arsimit të lartë dhe lista e notave të noterizuara;
6. Çertifikata kualifikimi të ndryshme (në rast se ka);
7. Fotokopje e librezës së punës;
8. Motivi i largimit nga puna e fundit (nëse është i punësuar ose ka qenë i punësuar);
9. Vërtetim mjekësor i aftësisë për punë;
10. Vërtetim i gjendjes Gjyqësore;
11. Dy fotografi (2.5 x 3.5 cm).
Pozicioni për të cilin dëshironi të aplikoni do të shpallet në faqen zyrtare të TEDA Tirana, në portalin e Agjencisë Kombëtare të Punësimit dhe Aftësive, përmes platformës e-albania, në sportelet e Sektorit të Informimit dhe Shërbimeve për Qytetarët ndodhur në rrugën e Kavajës, Godina 205, Njësia Administrative, Njësia Bashkiake nr.7 pranë Drejtorisë së Përgjithshme të taksave Vendore, listën e kandidatëve që plotësojnë kushtet dhe kërkesat e posaçme, si dhe do të njoftohen për datën, vendin dhe orën e saktë ku do të zhvillohet intervista.
Dokumentat duhet të dorëzohen me postë në adresën e “TEDA Tiranë” sh.p.k.: Rruga “Ndre Mjeda”, Kompleksi Kontakt, Objekti Lyra 1, Njësia e Shërbimit 2014, Tiranë, brenda datës 10 / 09 / 2026.
Kandidatët që nuk i plotësojnë kushtet dhe kërkesat e posaçme, do të njoftohen individualisht nga njësia e menaxhimit të burimeve njerëzore, për shkaqet e moskualifikimit info@teda.al .
Mënyra e Vlerësimit të Kandidatëve:
Kandidatët do të vlerësohen paraprakisht në lidhje me dokumentacionin e dorëzuar, për përvojën, trajnimet apo kualifikimet e lidhura me fushën, si dhe çertifikimin pozitiv ose për vlerësimet e rezultateve individuale në punë.
Kandidatët gjatë intervistës së strukturuar me gojë do të vlerësohen në lidhje me, njohuritë, aftësitë, kompetencën në lidhje me përshkrimin e pozicionit të punës, eksperiencën e tyre të mëparshme, motivimin, aspiratat dhe pritshmëritë e tyre për karrierën.
Data e Daljes së Rezultateve të Konkurrimit dhe Mënyra e Komunikimit:
Në përfundim të vlerësimit të kandidatëve, “TEDA Tiranë” sh.p.k. do të shpallë fituesin në portalin e Agjencisë Kombëtare të Punësimit dhe Aftësive (AKPA), në faqen zyrtare të TEDA Tiranë, si dhe në stendat e informimit të publikut, pranë Bashkisë Tiranë.
Kandidatët jo fitues kanë të drejtë të ankimohen pranë Njësisë së Burimeve Njerëzore në formë zyrtare nëpërmjet shkresës zyrtare në adresën e “TEDA Tiranë” sh.p.k.: Rruga “Ndre Mjeda”, Kompleksi Kontakt, Objekti Lyra 1, Njësia e Shërbimit 2014, apo në postën elektronike zyrtare të “TEDA Tiranë” sh.p.k.: info@teda.al.
Afati i ankimimit është 3 ditë nga data e shpalljes së fituesit.
